_*Unchi Qabr Aur Qabro Par Gumbad Banane Ka Saboot (Part- 01)*_
―――――――――――――――――――――

_*🔘Isme Hum Apko Sahih Hadeeso Ke Saheeh Tarjume Ke Sath Aur Muhaddesin Aur Aimma Ke Aqwal Ke Sath Dalile Pesh Karenge. Pehle Kuch Basic Info Bhi Deta Hain:*_

_*Aalame Islam Ka Ek Bada Tabqa Aaj Qabro Ki Ziyarat Ko Mustahab, Buzurgo Ki Qabro Ko Awam Se Mumtaz Rakhne Ko Afzal Aur Sahaba Wa Auliya Ki Qabro Se Tabarruk Hasil Karne Ko Jaez Aur Mustahen Gar Janta Hai..*_

_*✅ Unki Taraf Shiddar-E-Haal, Yani Safar Karna Bhi Jaez Hai, Unki Ziyarat Bhi Baais-E-Ajr, Neez Unko Deegar Qabro Se Mumtaz Karne Ke Liye Unpar Qubba Banana Bhi Jaez Samajhta Hai.*_

_*📌Aur Ye Fatwa Aaj Ka Nahi Balki Salaf-E-Salehin Se Manqul Hai.*_
_*Aur Jo Log Mulk-E-Shaam, Iraq, Filisteen Aur Misr Ka Safar Karte Hain Wo Apne Sar Ki Ankho Se Un Fatwo Par Amal Mehsus Shakl Me Mulahiza Farmate Hain.*_

_*Goya Salaf Se Lekar Khalaf Tak Is Baat Par ijma Amali Hai.*_

_*Khud Hejaz Muqaddas Me Ibne Saud Ki Hukumat Se Qabl Ummul Momineen Syyedah Khadijatul Kubrah رضي الله تعالي عنه  Ke Mazar Par Qubba(GUMBAD) Tha.*_

_*💫 Jisko Zalim  Saudi Hukumat Ne Shahid Kiya,*_
_*Syedush Shuhada Hazrat Ameer Hamzah (Radiallahu Ta'ala Anhu) Ke Mazar Par Qubba Bana Hua Tha, Jisko Baad Me Shaheed Kiya Gaya,*_

_*👉🏻Ek Nahi, Hazaro Misale Maujud Hain Ki Buzurgan-E-Deen Ki Qabr Par Ahle Salaf Qubba Banana Jaez Jante The,*_

_*Magar Najdi Aur Uske Mutbein Ko Ye Kaam Shirk Lagta Hai.*_

_*Aur Unhone Sawad-E-Azam Aur Ulama-E-Jamhoor Ki Parwah Kiye Bagair Un Sare Qubbo Ko Dhaha Diya,*_

_*Unchi Qabro Ko Buldozer Se Raund Dala, Kisi Shaherah Ke Beech Me Aane Wali Tarikh Masajid Ko Mismar Kar Diya.*_

_*Qissa Yahin Tak Tamam Ho Jata Tab Bhi Hum Apne Gile Shikwe Band Kar Lete, Magar Afsos Ibne Saud Ki Resha Dawaniya Aur America Ke Ishare Par Nachne Wali Katputli Sarkar Aaj Bhi Apni Na-Zeba Harkato Se Baaz Nahi Aa Rahi..*_

_*🌏 Puri Duniya Bulan Dhone Wali Sada-E-Ehtijaj Aur Islamiya Aalam Me Gham Wa Ghussa Ki Leher Is Baat Ka Wajeh Subut Hai Ki Aaj Bhi Duniya Me Rasool-E-Maqbul (Sallallahu Ta'ala Alaihi Wasallam) Ke Wafadar Zinda Hain,*_

_*Aur Jo Saudi Hukumat Ki Aisi Ghrib Mahzab Aur Ghatiya Harkat Par Hargiz Khamosh Nahi Baithenge..*_

_*👉🏻 Next Parts Me Is Topic Par Dalail Pesh Kiye Jaenge..*_

_*📮To Be Continue.....*_
━━━━━━━━━━━━━━━━━━━━━━━━

_*Unchi Qabr Aur Qabro Par Gumbad Banane Ka Saboot (Part- 02)*_
―――――――――――――――――――――

_*📖 DALAIL:-*_

_*Sahaba-E-kiram Aur Tabaeen Ke Zamane Se Khawas Ki Qabro Par Zarurat Ke Pesh-E-Nazar Qubba Banane Par Aimma-E-Ummat Ka ijma Amali Hai.*_

_*Aur Isi Se Gumbad Banane Ka Jawaz Sabit Hai.*_
_*Albatta Hadees Paak Me Bila Zarurat Ta'mir Ki Mumaniat Aayi Hai..*_

_*💫 Hazrat Mulla Ali Qari Ne Bhi Isi Dalil Ko Naqal Kiya Hai, Ki Mumaniat Wali Hadees Bila Zarurat Ta'mir Par Mehmool Hai Jaisa Likhte Hain:*_

_*📚 SHARAH-E-HADEES:*_

_*Jab Qabr Par Khema Kisi Faide Ke Pesh-E-Nazar Lagaya Jaye,*_

_*✍🏻 Maslan: Iske Zer Saaya Qaari Baithkar Quran Ki Tilawat Kare, To Uski Mumaniat Nahi Isi Tarah Salaf-E-Salehin Ne Mashaikh Aur Mashahir Ulama Ke Liye Maqabir Ta'mir Karne Ko Jaez Kaha Hai.*_

_*Taki Log Inki Ziyarat Karen Aur Unhe Koi Taklif Na Ho..*_

_*📕 Mirqat Sharah Mishkaat, J-4, S-69, Maktaba Imdadiya, Multan, 1392 Hijri*_

_*📝 Sawal:*_

_*Aaj Puri Duniya Me Kahan Aur Kis Faasiq Wa Fajir Ki Qabr Par Qubba Ta'mir Hota Hai.?*_

_*✅ Jawab:-*_

_*Qubba Jab Bhi Ta'mir Hota Hai To Kisi Buzurg Kisi Wali Kisi Aalim-E-Deen, Kisi Paband-E-Shara Aur Kisi Khadim-E-Deen Ki Qabr Par Hi Qubba Hota Hai.*_

_*📚 HADEES:*_

_*Hazrat Jabir Radiallahu Anhu Se Riwayat Hai Ki Rasoolallah ﷺ Ne Qabro Ko Pukhta Aur Kubta Lagane Aur Unko Raundne Se Mana Farmaya..*_

_*📕 Tirmizi*_

_*Magar Afsos Ye Andhe Najdi Is Hadees Ke Hi Akhri Tukde Par Amal Nahi Karte, Aur Mukhalefin Zad Wa Enaad Me Qabro Ko Buldoser Se Munhadam Karte Hain.*_

_*Qabro Par Qubba Na Banane Ke Silsile Me Jo Ahadees Warid Hain, Unka Shaafi Jawab Aur Sahih Taaweel Aur Tatbeeq Jo Zer Nazar Kitab Me Pesh Ki Gayi Hai, Wo Qabil-E-Mutaala Hain.*_

_*WAHABI QABRO PAR QUBBA NA BANANE KI JO HADEESE PESH KARTE HAIN, KAL HUM APKE SAMNE WO HADEESE PESH KARTE HAIN, FIR INKE BAAD INKE MAANE PAR BEHES KARENGE, TAKI HAQ WAZEH HO JAYE. INSHAA ALLAH.....*_

_*📮To Be Continue.....*_
━━━━━━━━━━━━━━━━━━━━━━━━

_*Unchi Qabr Aur Qabro Par Gumbad Banane Ka Saboot (Part- 03)*_
―――――――――――――――――――――

_*WAHABI QABRO PAR QUBBA NA BANANE KI JO HADEESE PESH KARTE HAIN, PEHLE HUM APKE SANE WO HADEESE PESH KARTE HAIN, FIR INKE BAAD INKE MAANE PAR BEHES KARENGE, TAKI HAQ WAZEH HO JAYE.*_

         _*📍Aitraz Hadees :-  01.*_

_*Allah Taala ne Yahoodo Nasara par laanat farmayi, Jinhone Ambiya ki Qabro ko masjid banaya.*_

_*📕 Bukhari, Kitabul Janaiz, Baab- Ma Yakrohu,*_
_*📕 Muslim, Kitabul Masajid, Baabun Noha,*_
_*📕 Sunan Nasai, 1/336,*_
_*📕 Fath-ul-Bari,*_
_*📕 Sahih Bukhari, 2/272*_

         _*📍Aitraz Hadees :-  02.*_

_*Rasoolullah Sallahu Alayhi Wasallam ne Qabro ki ziyarat karne wali Aurto aur unpar Masjid banane wale aur charag rakhne walo par laanat famayi.*_

_*📕 Abu Dawood, 2/560,*_
_*📕 Tirmizi, 1/283,*_
_*📕 Nasai, 1/335*_

         _*📍Aitraz Hadees :-  03.*_

_*Abu Hayaj Aasadi se riwayat hai ki mujhse Ali Murtaza ne farmaya ''Kya mai tujhe is kaam par na bheju jispar Mujhe Rasoolullah alaihesalam ne bheja tha.*_

_*Wo ye ki tu kisi taswir ko be-mitaye na chhode aur na kisi Qabr buland ko be barabar kiye.*_

_*📕 Muslim, 1/380,*_
_*📕 Abu Dawood, 2/557,*_
_*📕 Tirmizi, 1/282,*_
_*📕 Nasai, 1/333*_

         _*📍Aitraz Hadees :-  04.*_

_*Jundub se marwi hai kaha, Maine Nabi alaihesalam s se suna, Farmate the ki Khabardar!*_

_*Jo log tumse pehle the wo apne Ambiya aur Salehin ki qabro ko masjid bana liya karte the. Khabardar! Tum Qabro ko majid na banana, mai tumko mana farmata hu.*_

_*📕 Muslim, 1/213-214*_

         _*📍Aitraz Hadees :-  05.*_

_*Hazrat Ayesha Radiallahu Anhu se marwi hai ki Umme Habiba aur Umme Salma Radiallahu Anha ne ek kuneesa ka zikr kiya,*_

_*Jo unhone Habshah me dekha tha. Isme taswiren hain to Huzur se ye zikr kiya, Huzur ne farmaya, Un logo ki ye halat thi ki jab unme koi Mard Saleh inteqal farmata, Iski qabr par masjid bana lete, aur usme Taswiren banate, wo Allah ke nazdik roz-e-Qayamat bad-tarin khalq honge.*_

_*📕 Fath-ul-Bari, 4/341, 2/272,*_
_*📕 Muslim, 1/213*_

         _*📍Aitraz Hadees :-  06.*_

_*Ibne Yasara se riwayat hai ki Nabi alaihesalam ne farmaya:*_

_*Ilahi meri Qabr ko butt(murti) na banana ki Pooji jaye, Allah ka ghazab us qaum par bahot sakht hai jisne apne Ambiya ki Qabro ki masjid bana liya.*_

_*📕 Muatta Imam Malik, Kitab Qasrus Salaat, S-57,*_
_*📕 Mishkatul Masabih, 3/72*_

         _*📍Aitraz Hadees :-  07.*_

_*Huzur alaihesalam ne mana farmaya ki Qabro par gajj kiya jaye aur unpar kitabat ki jaye, aur woh paa maal ki jayen.*_

_*📕 Tirmizi, 1/282,*_
_*📕 Nasai, 1/332,*_
_*📕 Mishkatul Masabih, Fasl Saani, S-148-149*_

_*📌Masturah baala Ahadees aur unke hum na'ane khwah aur bhi kitni bhi ho,*_

_*📌Bas yehi sarmaya hai jis par Muftiyan-e-Kiram, Jami-il-Ulama, Jaamia Milay waghairah ko etmad hai,*_

_*📌Aur jiske bharose par wo Akabir Islam ke mazart manhedam karne ka fatwa dete hain, Baaqi tamam ibaarat jo unhone naqal ki hain, unme bhi unhi Hadeeso se tamassik kiya gaya hai.*_

_*Lehaza ab hume ye tehqiq karni hai ki aaya Ahadees mazkurah baala se ye natija Ukhaz karna Sahih hai ya nahi..!*_

_*Aane Wale Parts Me Aitraaz Ka Jawab Diya Jaega.*_

_*📮To Be Continue.....*_
━━━━━━━━━━━━━━━━━━━━━━━━

_*Unchi Qabr Aur Qabro Par Gumbad Banane Ka Saboot (Part- 04)*_
―――――――――――――――――――――

_*🔘 Ambiya wa Salehin ki Qabro ki tarafa'zim wa tabarruk ke irade se Namaz padhna haram hai,*_

_*Aur Ulama me se kisi ko isme khilaf nahi, lekin agar unki Qabr ke nazdik agar Namaz ke liye koi Masjid banai jaye, Bagair is niyat ke ki Namaz me un Qabro ki taraf muh kiya jaye, isliye ki wo jaga jo unke Jisd mutahair ka madfan hain. Uski Barkat se aur unki Ruhaniyat wa Nooraniyat ki Imdad se hamari Ibadat kamil aur Maqbool ho. To Isme Koi Harj aur koi muzaiqa nahi.*_

_*📕 Madarijun Nabuwwa, 2/4474*_

_*📌In Riwayaat se malum hua ki Muftiyan-e-Jidat taraz ne jo matlab Ahadees se nikalna chaha, wo Sahi nahi, aur Unhe us Hadees se istedlal nahi pahuchta.*_

_*🔖 Ek Aitraaz Wali Hadees  me, Jisme Hazrat, Ali Radiallahu Anhu ki us Riwayat ka bayan kiya gaya hai ki Huzur (Sallallahu Ta'ala Alaihi Wasallam) ne mujhe hukm diya ki me jo Tawsir paaun, unhe mahu kar du aur jo Qabr bulan paaun, usko barabar kar du.*_

_*👉🏻 Is Hadees se dalil dene se pehle Wahabi Mufti par lazim hai ki wo pehle sabit karte ki wo Qabr musalman ki thi jinhe todne ka hukm diya tha?*_

_*☑ Dusra ye ki Barabar karne se kya murad hai? Aaya bilkul zamin se hamwaar kar dena ki nishan bhi na rahe, to ye Sunnat-e-Mutawatirsa ke khilaf hai..*_

_*Teesra ye ki Taswiro ka zikr Qabr ke sath kya talluq se hai? Jab in maslo ko wazeh karte, Tab un Wahabiyo ko is Hadees ki Dalil dene ki gunjaish thi..*_

_*📌Ab mai kuch Bil-Ikhtisar arz karu?*_

_*Ye baat to har Momin ke liye yaqini hai ki Rasoolullah ke zamane me jo bhi Qabrein bani, wo Huzur alaihesalam ke Ilm aur Ijazat se, ki Huzur ki Aada sharif thi ki Dafn me shirkat karte the.*_

_*💫Aur apne Niyaz mando ko apni shirkat se mehroom nahi farmate the. To jis Qadar Quboor Zamana-e-Aqdas me bani, Sahaba ne banai, Huzur ki maujudgi me banai, aur agar Maujudgi na bhi hoti to Sahaba koi bagair puche kab karte the?*_

_*Wo kaunse Musalmano ki Qabrein thi jo na-jaez taur par unchi ban gayi thi aur fir unko mitane ka hukm diya?? Ye baat bilkul Aql se bahar hai,*_

_*Albatta kuffar ki Qabrein bahot bahot unchi banayi jati thi.*_

_*Jaisa ki ab bhi Nasara ki Qabren dekhi jati hain. Huzur ne unhi ho Dhahane ka hukm diya,*_

_*✅ Kama Fis Sihah, Aur Kuffar ki Qabr Dhahana jaez bhi hai. Musalmano ki qabr dhahana tauheen hai.*_

_*📌Bukhari Sharif me hai:*_

_*📚 HADEES:*_

_*Huzur ne Mushrekin ki Qabro ke liye hukm farmaya, Wo Ukhad di gayin,..*_

_*📕 Fath-ul-Baari Sharah Bukhari, Kitabus Salaat, 2/273*_

_*Ye kahan se kaha jata hai ki Hazrat Ali Radiallahu Anhu ko musalmano ki Qabr ukhadne ka hukm diya gaya tha?*_

_*Ya fir Mushrekin ka hukm Musalmano par chaspan karte hain ye Wahabi.*_

_*Isi Liye Ibne Umar RadiAllah Anhu Farmate Hai:*_

_*Badtarin Khawarji Hai Wo Log Jo Kuffar Aur Mushrikin Ke Radd Me Utarne Wali Ayat Ko Musalmano Par Thopte Hai..*_

_*📕 Sahih Bukhari Volume 9 Page 49-50 Chapter Khawarjis And Mulhidins*_

_📌TO ASLI KHARJI KOUN HAI ISKA ANDAZA AAP LAGA SAKTE HAI....._

_*📮To Be Continue.....*_
━━━━━━━━━━━━━━━━━━━━━━━━

_*Unchi Qabr Aur Qabro Par Gumbad Banane Ka Saboot (Part- 05)*_
―――――――――――――――――――――

_*🔘 Allama Ibne Hajar Asqalani farmate hain:*_

_*📚 HADEES:-*_

_*Baab iske Ke kya jahiliyat ke mushrekin ki Qabre ukhad di jayen, yani Ambiya aur Tabaeen ki Qabro ke alawa,*_

_*Kyunki isme unki ehanat hai, bas mushrekin ki, ki unki koi izzat nahi.*_

_*📕 Fath-ul-Baari Sharah Bukhari, Kitabus Salaat, Baab-Hal Tambish, Quboor Mushriki Jahiliyya, 2/273*_

_*Dusri jaga farmate hain:*_

_*📚 SHARAH HADEES:-*_

_*Aur Hadees me Baiy aur hiba ke zariye mamluka maqbarah me tasarruf karna jaez hai, Aur boseedah Qabro ko ukhadna jaez hai jabki ba-izzat na ho.*_

_*📕 Marje Sabiq, 2/272*_

_*Kya mushrekin Jahiliyat ki quboor ukhad di jayen, ye jaez hai?*_

_*Unwan Baab ye tha Allama farmate hain yani siva Ambiya aur unke Tabaeen ke kyuki unki Qabrein dhahane me unki ehanat hai. Ba-khalif mushrekin ke unki koi hurmat nahi. Yani Hadees me dalil hai ispar ki jo maqbarah hiba wa baiy se milk me aa gaya ho, usme tasarruf kiya jaye. Aur purani bosidah qabrein ukhad di jayen, basharte ki Mohtarma na ho.*_

_*In Ibarat se malum hua ki musalman ki Qabr mohtaram hain,*_

_*Unko dhahana, Unme tasarruf karna, na-jaez aur unki ehanat hai. Qabrein ukhadne ka hukm mushrekin ki Qabro ke liye hai.*_

_*Multaqiul Abhar aur iski Sharah Majmaul Anhar me hai:*_

_*Eint aur lakdi se qabr banana makrooh hai, aur aise hi patthar aur gach se, lekin jab zameen narm ho jaye, to jaez hai. Aur aise hi Qabr ko unchi karna mustahab hai. Gair chipti, ek balisht unchi aur usme zyadti jaez hai, gach eint aur lakdi se ta'mir karna Allah ke Rasool sallallaho alaihe wasallam ke irshad ke mutabiq ki hawaao ka chalna aur barish ka qatrah momin ki qabr par iske gunaho ka kaffara hai,*_

_*Lekin Mukhtar mazhab ye hai ki pukhta karna durust hai. Aur Isam bin Yusuf, Madina ke ird gird pukhta karte the aur veeran qabro ko tamir karte the,*_

_*Badaay Imam Mulkul Ulama Abu Bakr Masood ka saani me hai:*_

_*Abdullah Ibn Masood Radiallahu Anhu ka jabTaaef me inteqal huato Muhammad Ibne Hanfiya ne Namaz E Janazah padhai aur apki Qabr ko uncha rakha aur ispar khema lagaya''*_

_*Ta Taarkhaniya fir Aalamgeeriya me hai:*_

_*Iza Kharibatil Quburo fala ba'sa bitatyeeneha*_
_*📝Tarjuma:- Jab Qabren bosida ho jayen to unko pukhta karne me harj nahi.*_

_*📮To Be Continue.....*_
━━━━━━━━━━━━━━━━━━━━━━━━

_*Unchi Qabr Aur Qabro Par Gumbad Banane Ka Saboot (Part- 06)*_
―――――――――――――――――――――

_*☑ Jawahirul Ikhlati me hai:*_

_*Wahual Asihho wa alaihe fatwa,*_

_*📝Tarjuma:*_

_*Yehi Sahih hai aur isi par fatwa hai. Kifaya me hai:*_

_*Aur agar Qabr par mitti daal di gayi ho to patthar aur eint rakhne me harj nahi, aise hi agar kuch likhne ki hajat ho to harj nahi, Jaisa ki Jaame Sagheer me hai ki kuch Qabr par kuch likhne aur is par alamat ke taur par patthar rakhne me harj nahi.*_

_*Khas Qubbo ke mutalliq to Imam Ibne Hajar Makki ne Nass farma di hai ki Ghari masla me Ulama aur Auliya wa Saleha ki mazarat-e-Tayyaba par Qubba banana Qurbat hai.*_

_*Imam Ibne Hajar Asqalani ne Fath-ul-Baari Sharah Bukhari me farmate hain:*_

_*Qabr par khema jab kisi nek maqsad se ho to sahi hai. Jaise ki zindo ke liye dhoop se saya karne ke liye, Na ki mayyat ke liye.*_

_*Isi me hai:*_

_*Jab Qabr par khema kisi nek maqsad se ho to durust hai, Lekin fakhr ke liye na ho.*_

_*Dono Imamo, Hazrat Ibne Hajar Asqalani aur Ibne Hajar Makki ne to un muh zoro ke muh me patthar de diya. Ye Mutbaeen Sheikh Najdi jis Illat se Qubbo aur Mazaro ke Qile Qame ke darpe hain, Ulama-e-Kiram usi Illat se unke jawaz, balki istehbab ka fatwa dete hain.*_

_*🔘 Mehbuban-e-Ilahi wa Maqbulan-e-Bargah-e-­Risalat panahi se jalne wale isiliye to mana kartehain ki isme unki tazim hai. Aur Ulama unhe isiliye jaez balki qurbat kehte hain. Mulahiza ho,*_

_*Tafsir-e-Roohul Bayan me hai:*_

_*Ulama, Auliya aur Salehin ki Qabro par Qubba banana jaez hai, Jab isse awam ki Nigah me Izzat dilana maqsud ho, Taki log is qabr wale ko haqir na jaane..*_

_*Badaay Imam Malikul Ulama me hai:*_

_*Ye Namaz Janaza, Mayyat ki tazim ke liye padhi jati hai. Isiliye jiski Ehanat wajib hai.*_

_*Maslan: Baaghi, Kafir, aur Daaku ki namaz Janaza jaez nahi.*_

_*☑ Ye dushman-e-Deen-o-Eiman jo aaj is ta'zim Mehbuban-e-Khuda ki waja se inki mazarat tayyaba khode dalte hain aur unka Hadam wajib thehrate hain. Khairiat hui ki unhe ab tak ye malum hua ki Namaz-e-Janaza me bhi Tazimiyat hai. Aur wo isiliye mashroo hui hai, isi waste Kafir wa Baaghi wa Qitaa-ul-Tariq, jinki ehanat lazim hai, unke Janaze ki namaz nahi hoti, agar us taraf unhone tawajjo ki to ye farz-e-Kifaya, Namaz-e-Janaza ko bhi shirk, Haram keh denge.*_

_*Allah Ta'ala hum Musalmano ko har fitne se mehfuz rakhe, Aameen.*_

_*📮Post Ended.....*_
━━━━━━━━━━━━━━━━━━━━━━━━