_*Jaandaar (📸) Tasweer Haram Hai*_
―――――――――――――――――――――

_*➡ Kya Islam Mein Tasweer Banana (Photography) Jaiz Hai❓*_

_*✒ Aaj Kuch Log Kehte Hai Ke Camere Ki Banai Hui Tasweer To Mehez Aks Hai👉🏻 Tasweer To Wo Haram Hai Jo Haath Se Banai Jae (Yani Painting)*_
_Magar Ye Galat Nazarya Hai._

_*Kya Camere Ki Tasweer Haath Se Nahi Banai Jaati.*_

_*Kya Camere Paaon Se Chalaya Jata Hai.❓*_

_*Camere Ki Tasweer Bhi Haath Hi Se Banti Hai, Fark Sirf Itna Hai Ke Huzoor Sallallahu Ta'ala Alaihe Wa Sallama Ke Daur E Aqdas Me Tasweer Banane Ke Liye Haath Mei Qalam Uthaya Jaata Tha, AUR Ab Qalam (Pen) Ki Jagah Camera Aa Gaya Hai.*_
_Maqsad Aur Matlab To Ek Hai.!_

_*JAISE Huzoor Sallallahu Ta'ala Alaihe Wa Sallam Ke Daur E Aqdas Me Jihaad Ke Liye Haath Me Talwaar Hoti Thi, Lekin Ab Talwaar Ki Jagah Bandook, Bomb Aa Gae Hai.*_
_Maqsad Aur Matlab Wahi Hai.!_

_*Jo log Qalam Aur Camere Ki Tasweer Mei Fark Karte Hai Kya Un Ke Nazdeek Bandook Se Jihaad (Sahi Ma'ne Mei) Haram hai.?*_

_*Agar Bandook Ka Hukm Talwaar Wala Hi Hai, TO Camere Ka Hukm Qalam Wala Kyun Nahi Hai❓*_

_*✍🏻 Haa Pass'Port, Pan Card Aur Is Ke Alawa Dusre Safari Aur Shanakhti (Identity) Zaroorat Ke Liye Banwana Is Daur Me Fuqha Wa Ulama Wa Muftiyan E Kiram Ne Rookhsat Diye Hai KE Ye Ek Zaroorat Hai.*_

_*Aaj Shanakhti Card (Identity Proof) Ke Bagair Koi Shakhs Kisi Mulk Ka Bashinda (Residence) Hi Nahi Samjha Ja Sakta.*_

_*Isi Liye Aalami Sateh (International Level) Par Tasweer Laazim Ho Gai Hai, Isi Liye Pass'Port, Voter ID, Pan Card, Aadhar Card, IsKe Alawa Aur Bhi Shanakht Ke Zariye Hai*_
_SIRF Usi Ke Liye Rookhsat Diya Gaya Hai._

_*✍🏻 Lekin Aaj Kai Musalman Khaskar Naujawan (College Going Students) Mobile Camere Ke Zariye Na'Jaiz O Haram Kaam Karte Hue Nazar Aa Rahe Hai. Baat Baat Par Pose Dekar Mobile Camera Se photo Nikalna Un Ke Liye Fakhr Ki Baat Ho Gai Hai.*_

                     _*Astaghfirullah*_

_*Chahe Ladke Ho Ya Ladkiyan Aaj Har Koi Is Gunah (Photography) Me Doobe Hue Nazar Aa Rahe Hai.*_

_*Kal Tak Sirf Shaadiyon Mei Photography (Haramkari) Hua Karti Thi.*_

_*LEKIN Aaj Mobile Ke Zariye Baat Baat Par Photo Nikala Jata Hai. Kahin Bahar Hotel Mei Khana Khane Gae To Ghar Ka Hi Koi Member Mobile Nikal Kar Kehta Hai Ek Photo Ho Jae, Is Par Baaki Sab Ghar Wale Haathon Mei Niwala Lekar Apne Mooh Ke Pass Rakhte Hue Pose Mei Badi Shaan Se Photo Nikalwate Hai.*_

                  _*ALLAH KI PANAH*_

_*🔘 Kuch Nadaan To Aise Hote Hai Jo Ice'Cream Parlour Mei Ya Coffee Shop Me Jakar (Apni Jhooti Shaan Dikhate Hue) Order Dene Ke Baad Alag Alag Andaaz Mei Pose Dekar Photo Nikalwakar Apne Doston Mei Share Karte Hai.*_

           _*Ma'azAllahi Rabbil A'lameen*_

_*Musalmano Kya Tumhare Is Amal Se Allah عزوجل Aur Rasool صلى الله عليه وسلم Naraaz Nahi Hote Honge❓*_

_*🔘 Aaj Ye Bhi Dekha Gaya Hai Ke Ladke Aur BEPARDAH MUSALMAN LADKIYA Facebook, Whats'app, Instagram Aur Isi Tarah Dusri Social Networking Media Par Apni Picture (Pic-image) Upload Karte Hai.*_

_*Unhe Is Baat Ki Zara Bhi Fikr Nahi Ke Log Hamari Photo Ko Kis Niyat Se Dekhenge.*_

_*Bas Smile Dekar Fuzool Mei Apni Tasweer Utar Kar Aur Phir Use Facebook, Whatsapp, Instagram Par Upload Kar Dete Hai.*_

_*PHIR Jo Chahe Galat iraade, Buri Niyyat Se Dekhe IS Baat Ka Un Shariyat Se Gaafil Musalmaan Ladkiyon Ko Zaara Fikr Nahi.*_

_*Allah Aisi Bepardah Ladkiyon Ko Aql Ata Farmae.*_

_*✍🏻 Kuch Log Kehte Hai Ke Aaj Ke Daur Me Video, Photography Se Bachna Bahut Mushkil Hai. Jidhar Nazar Jae WAHA CCTV Camera,*_
_TO Bhala Kaun Is Se Bach Sakta Hai._

_*Logo Ka Ye Sawal Fitrat Ke Mutabik Hai Jise Galat Bhi Nahi Kaha Ja Sakta. LEKIN Is Ka Matlab Ye Nahi Ke Ham Jaan Boojh kar Camera Ke Zariye Haramkari (Video-Photography) Kare.*_

_*🔘 Chand Misaalon Se In Baaton Ko Samjhne Ki Koshish Kare, Yoo To Maut Kai Tarah Se Aa Sakti Hai, LEKIN Yaha Yoo Samajhiye Ke Banda Apne Rab Ke Paas Teen (3) Tarah Se Pahunchta Hai,*_
_(Yani Intekaal Kar Jata Hai.)_

_*1) Kudrati Maut --- Yani Saalo Se Ya Kuch Din Bimaar Rehkar Kisi Badi Bimaari Mei Mubtila Hokar Apne Rab Se Ja Milna.*_

_*2) Kisi Haadse --- (Accident) Ke Sabab, KE Raaste Mei Kisi Car Ya Bike Ne Takkar Mar Di Aur Is Ki Wajah Se Jaan Chali Gai. Ya Kisi Ne Bandook Se Goli Chala Kar Qatl Kar Diya.*_

_*3) Haram Maut --- Yani Apne Aap Ko Khud Hi Qalt Kar Dena, Jise Khud'Khushi Bhi Kaha Jata Hai.*_

_*📌Jab Aap Kisi Bank, Railway Station, Airport, Shopping Malls, Signal Par Ho, AUR Aap Ko Ye Pata Ho Ke Aap Ki CCTV Me Picture Qaid Ho Rahi Hai, AUR Aap Ka Us Jagah Jana Bhi Zaroori Hai, AUR Aap Photography Ko Haram Aur Bura Bhi Jaante Ho To IS Me Aap Ki Giraft (Pakad) Nahi Hogi, Kyun Ki Aap Majboori Me Waha Khade Ho Yani Ye Usi Tarah Hai Ke Banda Nahi Chahta Ke*_
_RAASTE Mei Us Ka Haadsa Ho, LEKIN Phir Bhi Na Chahte Hue Bhi Haadse Ka Shikaar Ho Gaya._

_*📍LEKIN Aap CCTV Ke Saamne Pose Dekar Ya Yunhi Fuzool Me Aise Jagah Khade Ho Jaha Aap Ko Kuch Kaam Nahi, AUR Khushi Se, DIL Hi Dil Me Ye Gumaan Karte Hue Ke, CCTV Mei Meri Picture Qaid Ho Rahi Hogi*_
_TAB Is Me Aap Ki Sakht Giraft Hogi._

_*Ab Aise Shaks Me Aur Khud Kashi Karne Wale Shaks Me Koi Fark Nahi, KE Dono Ne Jaan Boojh Kar Haram Kaam Kiye Hai.*_

_*✒ Tasweer Ke Haram Hone Par Chand Daleel Mulahiza Farmae.*_

                       _*📚HADEES - 01*_

_*Rasoolullah Sallallahu Ta'ala Alaihe Wa Sallam Ke Saamne Aap Ke Wisaal Se Pehle Bimari Ke Dino Mei Habsha Ke Ek Girjaghar (Church) Mei Bani Hui Tasweeron Ka Zikr Kiya To Aapne Sallallahu Ta'ala Alaihe Wa Sallam Sar Utha Kar Irshad Farmae:*_
_*"Ye Wo Log Hai Ke Jab In Me Koi Neik Aadmi Mar Jata To Us Ki Qabr Par Masjid Bana Lete Aur Us Mei In Tasweeron Ko Sajaa Dete. Aisa Karne Wale Makhlooq Mei Sab Se Zyada Bure Log Hai."*_

_*📕 Sahih Bukhari, Jild 1, Safa=179,*_
_*📕 Sahih Muslim, Jild 1, Safa 201*_
―――――――――――――――――――――

                    _*📚HADEES - 02*_

_*Hazrat Abu Talha Radiyallahu Ta'ala Anhu Ne Kaha Ke.... Huzoor Sallallahu Ta'ala Alaihe Wa Sallam Ne Farmaya Ki JIS Ghar Mei Kutta Ya Jaandar Ki Tasweer Ho, US ghar mei Rehmat Ke Farishte Nahi Aate,,*_

_*📕 Bukhari Sharif, Jild 3, Kitab Al-Libaas, Safa 329*_

_*🔘 Is Hadees Paak Se Un Logo Ko Sabaq Haasil Karna Chahiye Jo Apne Ghar Ki Deewaron Par Jaandar Ki Tasweer, Frame Me Lagae Hue Hai. Kuch Musalman To Aise Hai Jo Apni Jhooti Shaan O Shaukat Dikhane Ke Liye Showcase Mei Mini Photo Frame, Bacchon Ke Khilone (Toys), Apni Shaadi Ki Photo Frame, Deewar Par Artistic Frame (Jaandaar Ki Tasweer Bani Hui) Lagate-Sajate Hai, AUR Ye Gumaan Karte Hai Ke Is Amal (TASWEER LAGANE) Se Log Hame Up To Date Samjhenge. ALLAHU AKBAR.! Haram Kaam Kar Ke Apne Aap Ko Up To Date Kehelwana Kaha Ki Samajhdari Hai Ye Sirf Aur Sirf Bewakoofi Hai. Allah Musalmano Ko Aise Amal Se Bachne Ki Taufiq Ata Farmae,,*_
―――――――――――――――――――――

                      _*📚HADEES - 03*_

_*Hazrat Abdullah Ibne Masood Radiyallahu Ta'ala Anhu Ne Farmaya Ke Rasool E Karim Sallallahu Ta'ala Alaihe Wa Sallam Ko Farmate Hue Suna Ke Allah Ta'ala Ke Yaha Sab Se Zyada AZAAB Un Logo Ko Diya Jaega*_
_JO Jaandar ki Tasweerein Banate hai._

_*📕 Bukhari Sharif, Jild=3, Kitab Al-Libaas, Safa 333*_

                  _*ALLAHU AKBAR*_

_*✍🏻 Musalamano Zara Is Hadees Ko Gaur Se Padho Rasoolullah Sallallahu Ta'ala Alaihe Sallam Kya Farma Rahe Hai, Tasweer Ka Banana,,*_

_*Ab Chahe Pen, Pencil Se Ho Ya Camera Se Dono Se Ban To Rahi Hai Tasweer Hi Dono Par Hukm Ek Hi Hai, Ke Ye Sirf Aur Sirf Haram Hai,,*_
―――――――――――――――――――――

                     _*📚HADEES - 4*_

_*Hazrat Abdullah ibne Abbas Radiyallahu Ta'ala Anhu ne kaha ke,*_
_*Rasool e Karim Sallallahu Ta'ala Alaihe Wa Sallam Ko Farmate Hue Suna Ke Aadmi (Jaandaar Ki) Tasweer Banaega To Allah Ta'ala Beshak Use Azaab Dega YAHA Tak Ki Wo Apni Banai Hui Tasweer Mei Jaan Daal De AUR Ye Haqiqat Hai Ke Wo Us Me Kabhi Jaan Nahi Daal Dega.*_
_(Is Liye Azaab Ka Mustahiq Hoga)._

_*📕 Bukhari Sharif, Jild 3, Kitab Al-Libaas, Safa 333*_
―――――――――――――――――――――

                   _*📚HADEES - 05*_

_*🌹Hazrat Ayesha Siddiqa Radiyallahu Ta'ala Anha Farmati Hai Ke*_
_*Maine Ek (1) Gadda Kharida Jis Me Tasweerein Thi. Jab Rasoolullah Sallallahu Ta'ala Alaihe Wa Sallam Ne Use Dekha To Dur Daraaz Par Khade Ho Gae AUR Andar Daakhil Na Hue. Maine (Sayyeda Ayesha Siddiqa) Aap Sallallahu Ta'ala Alaihe Wa Sallam Ke Chehra E Anwar Par Karahat Ke Aasaar Dekhi.*_
_*Arz Ki Ya Rasoolullah MAI Allah Aur Us Ke Rasool Ki Jaanib Taaib Hoti Ho Mujhe Se Kya Gunah Sar Zad Ho Gaya❓*_

_*Farmaya Ke Is Gadde Ka Kya Haal Hai... Arz Ki Ke Maine Use Aap Ke Baithne Ke Liye Kharida Hai, Pas Rasoolullah Sallallahu Ta'ala Alaihe Wa Sallam Ne Farmaya Ke Un Tasweeron Ke Banane Walo Ko Qayamat Ke Roz AZAAB Diya Jaega Aur Un Se Kaha Jaega Ke JO Cheez Tum Ne Banai Hai Un Mei Jaan Daalon AUR Farmaya Ke Wo Ghar Jis Ke Andar Tasweer Ho Us Mei REHMAT KE FARISHTE DAAKHIL NAHI HOTE,,*_

_*📕 Bukhari Sharif, Jild 3, Kitab: Al-Libaas, Safa 333*_
―――――――――――――――――――――

_*👉🏻 ISI TARAH EK (1) AUR HADEES MEI AAYA HAI:*_

                   _*📚HADEES - 06*_

_*🌹Hazrat Ayesha Siddiqa Radiyallahu Ta'ala Anha Ne Farmaya Ke*_
_*Nabi Karim Sallallahu Ta'ala Alaihe Wa Sallam Ek (1) Safar Se Wapas Aae To Maine Ek Pardah Latkaya Hua Tha Jis Mei Tasweerein Thi, Pas Aap Ne Mujhe Hukm Diya Use Utaar Don To Mai Ne Us Pardeh (Tasweer Wale) Utaar Diya.*_

_*📕 Bukhari Sharif, Jild 3, Kitab: Al-Libaas, Safa 329*_

_*📝 Note::-- Yahan Pardeh Se Muraad Ghar Ke Darwaze Ka Pardeh Hai Na Ke Hijaab.*_

_*✍🏻 Bade Afsos Ki Baat Hai, JIS Cheez Ko Allah Ke Nabi Aur Hamare Pyare Aaqa Ne Napasand Farmae*_
_AAJ us cheez ko Musalman Pasand Karte Hue Nazar Aa Rahe Hai._

_*Shaadi Ho, Birthday Party Ho, Kahi Ghumne Gae Ho, Ya Restaurant Par,*_
_AAJ Musalman Apne Mobile Camera Se Apni Photo Zaroor Nikalta Ya Nikalwata Hai._

_*Ma'azAllahi Rabbil A'lameen.*_

_*✍🏻 Musalmano Ek Lamhe Ke Liye Zara Sochiye Kya Aap Ka Ye Amal (Mobile Camera Se Photo Nikalna) Jaiz Hai❓*_

_*Aur Kya Is Se Allah Aur Rasool Raazi Hote Honge❓*_
_Hargiz Nahi.! Hargiz Nahi.!!_

_*✍🏻 Balke Hadith Me Apne Padha Ke Huzoor Sallallahu Ta'ala Alaihe Wa Sallam.... Sayyeda Ayesha Siddiqa Ke Kharide Hue Gadde Par Tasweer Ko Dekh Kar Door Khade Rahe,*_

_*JAB Ke Us Gadde Par Hazrate Ayesha Radiyallahu Anha Ne Tasweer Nahi Banae They*_
_*Phir Bhi Huzoor Ne Gadde Par Bani Hui Tasweer Ko Napasand Farmae*_
_*AUR Ye Bhi Irshad Farmae Ke Qayamat Ke Roz Tasweer Banane Wale Ko Azaab Diya Jaega*_
_AUR Kaha Jaega Ke Is Mei Jaan Daalon._
_*Batao Musalmano Kya Koi Apne Haath Se Banai Hui Ya Camera Se Khichee (Click) Hui Tasweer Mei Jaan Daal Sakta Hai.❓*_
Is Roo E Zameen Par Aaj Tak Kisi Maa Ne Aise Awlaad Ko Nahi Janee (Paida Kiya)
JO Maidan E Mehshar Me
Allah Rabbul Izzat Ke Saamne Khade Hokar Keh Sake Haa Hum Apni Banai Hui Tasweer Mei Jaan Daal Sakte Hai.

_*✍ Batao Musalmano Kya Aap Apni Banai Hui Tasweer Mei Jaan Daal Sakte Ho❓*_

_*Agar Nahi To Phir Fuzool Mei Photo Kyun Khichate Ho Kyun❓*_

_*Allah Ka Khauf Karo AUR Aise Haram Kaam Se Parheiz Karo.*_

_*✍ ISLAM Me Jaandaar Ki Tasweer Banana YE Koi Mamooli Jurm Bhi Nahi Balke Aap Is Baat Se Hi Andaaza Laga Lijiye Ke Khud Rasoolullah Sallallahu Ta'ala Alaihe Wa Sallam Ne Irshad Farmae Ke Tasweer Banane Wale Par Allah Ki La'nat Hai*_
_AUR Khud Huzoor Ki Bhi Naraazgi Hai._

_*👉🏻 Agar Ye Koi Mamooli Baat Hoti To Huzoor Is Tarah Naraazgi Ka Izhaar Nahi Farmate,*_
_*Huzoor Sallallahu Ta'ala Alaihe Wa Sallam Ka Naraaz Hona Hi IS Baat Ki Daleel Hai Ke Jaandaar Ki Tasweer Banana (Pen, Pencil Ya Mobile Camera Se) Har Haal Me Haram Haram Hai.*_

_*👉🏻 Lihaza Aap Se Guzarish Hai Ke Allah Subhan Wa Ta'ala Aur Uske Rasool Sallallahu Ta'ala Alaihe Wa Sallam Ko Naraaz Na Karein, AGAR Ye Naraaz Ho Gae To Yaad Rakhiye*_
_Na Aap Ki Duniya Kamyaab Hogi AUR Na Hi Aakhirat.!_

_*👉🏻 Aur Hum Ne Jo Kaha Tasweer Nikalna Haram Hai IS Se Muraad Jaandaar Ki Tasweer Yani Insaan, Jaanwar, Parinde. Rahi Baat Chand, Sitaare, Darakht, Jin Ka Shumaar Jaandaar Me Nahi Hota*_
_TO Unki Tasweer Nikalne Mei Koi Harj Nahi,_

_*Allah Hame Tasweer Kashi Se Parhez Karne Ki Taufiq Ata Farmae.*_
_*🌹Aameen Summa Aameen*_

_*📝 NOTE= Agar Aap Ko Is Masle Par Aur Tafseel Chahiye To 👇🏻*_

_*📕 Bukhari Sharif (Mutarjim) Ki Jild 3 Me Kitab Al- Libaas Me Baab 541-550, Hadees Number 890 Se 904 Ka Mutala Kare*_
━━━━━━━━━━━━━━━━━━━━━━━━